जाजरकोट । जाजरकोटको भेरी नगरपालिकाका युवाहरुले युवा बहस कार्यक्रमको थालनी गरेका छन् । “सवाल युवाको,नेतृत्व युवाको” भन्ने नाराका साथ युवाका सवाललाई उजागर गर्न र स्थानीय शासन प्रक्रियामा युवा संलग्नतालाई प्रवद्र्धन गर्नका लागि युवाहरुले युवा बहस कार्यक्रमको थालनी गरेका हुन् । सहिद स्मृति युवा क्लबको आयोजना तथा भेरी नगरपालिका र भेरी युथ प्यानलको समन्वयमा उक्त कार्यक्रम सञ्चालनमा ल्याइएको हो ।
आइतबार २० गते भेरी नगरपालिकाको वडा नं ७ मा उद्घाटन गरी कार्यक्रमको थालनी भएको थियो । उक्त कार्यक्रममा भेरी नगरपालिका वडा नं ७ सातका वडा अध्यक्ष दिप ब. शाही सहित तीन जना वडा सदस्य,वडा भित्र रहेका विद्यालयका प्रधानाध्यापक र युवाहरुको सहभागिता रहेको थियो । कार्यक्रममा युवाका सवालहरुमा रहेर छलफल भएको सहिद स्मृति युवा क्लवका अध्यक्ष प्रेम विश्वकर्माले बताएका छन् । बढ्दो युवा पलायन,लागुऔषध दुव्र्यसनि,बालबिबाह लगायतका विषयमा छलफल भएको अध्यक्ष विश्वकर्माले बताए । छलफलमा युवाहरुलाई स्थानीय शासन प्रक्रियामा प्रत्यक्ष सहभागिता कसरी गर्न सकिन्छ, यसमा वडा सरकारले कस्तो भूमिका खेल्न सक्छ भन्ने विषयमा पनि कुरा उजागर गरिएको युवाहरुले बताएका छन् ।
युवाहरु राष्ट्र निर्माणका बलिया खम्बा हुन् । युवा स्वरोजगार र वडाका हरेक योजना तर्जुमाको बेला युवालाई सहभागि गराउने वडा अध्यक्ष दिप ब. शाहीले बताएका छन् । आउने आर्थिक वर्षमा थोरै भएपनि युवाहरुलाई लक्षित गरेर रकम विनियोजन गर्ने पनि वडा अध्यक्ष शाहीले बताएका छन् । तर युवाहरुले आफ्नो कर्तव्यको पनि पालना गर्नु पर्नेमा अध्यक्ष शाहीले जोड दिएका छन् । युवाहरु जहिले पनि सकारात्मक क्रियाकलापमा लाग्नु पर्ने अध्यक्ष शाहीले युवाहरुलाई आग्रह गरेका छन् ।
युवा बहस कार्यक्रमका लागि आर्थिक तथा प्राविधिक सहयोग युरोपियन युनियन,हेल्भटास नेपाल र महिला सशक्तिकरण मञ्च नेपालले गरेको हो । उक्त कार्यक्रम भेरी नगरपालिकाका १३ वटै वडामा गरिने छन् । प्रत्यक वडामा गरिसके पछि सोही बहस पालिकामा पनि गरिने सहिद स्मृति युवा क्लबका अध्यक्ष विश्वकर्माले बताए । वडाबाट आएका सवाल तथा समस्याहरुका बारेमा पालिकामा छलफल हुने पनि बताइएको छ । युवा बहस पालिकाको युवा नीति निर्माण तर्फ लक्षित गरि गरिएको क्लबका अध्यक्ष विश्वकर्माले बताए ।
