भेरी

बालविवाह विरुद्ध साझा अभियान सञ्जाल जाजरकोटले भेरी नगरपालिका जाजरकोटलाई ध्यानाकर्षण पत्र बुझाएको छ । सञ्जालले बालविवाह न्यूनिकरण सम्बन्धि पालिका उप प्रमख सीता जैसी मार्फत ध्यानाकर्षण पत्र बुझाएको हो । आइतबार सञ्जालका पदाधिकारीहरुले उप प्रमख जैसीलाई ध्यानाकर्षण पत्र बुझाएका हुन् ।

भेरी नगरपालिकामा बढ्दो क्रममा रहेको बालविवाहलाई रोक्न पालिकाले कदम चाल्नु पर्ने पालिकालाई ध्यानाकर्षण पत्र बुझाएको सञ्जालकी संयोजक शोभा सिंहले बताइन् । सञ्जालले जाजरकोटको बालविवाह न्यूनिकरणका लागि निरन्तर काम गर्दै आएको र यसै सिलसिलामा भेरी नगरपालिकामा पनि जोडिएको संयोजक सिंहको भनाइ थियो । ध्यानाकर्षण पत्रमा ७ वटा बुदाहरु समेटिएका छन् । बालविवाह न्यूनिकरणमा टेवा पुग्ने सवालहरुलाई पत्रमा समाहित गरिएको थियो ।
ध्यानाकर्षण पत्र र बुँदाहरु:

पालिकाले बालमैत्री पालिका निर्माण काम निरन्तर गरिरहेको बताउदै उप प्रमुख जैसीले बालबालिकाको क्षेत्रमा निरन्तर काम गरिरहने प्रतिबद्धता व्यक्त गरेकी थिइन । उनले सञ्जाललाई अझ मजबुद बनाउदै लानु पर्ने आगामी दिनमा पनि पालिकालाई विभिन्न माध्यमबाट ध्यानाकर्षण गराइराख्न समेत अनुरोध गरेकी थिइन् ।