जाजरकोट ।
भेरी नगरपालिका जाजरकोटले लागुऔषध दुव्र्यसन नियन्त्रण तथा रोकथामका लागि सचेतनामूलक सडक नाटक प्रदर्शन गरेको छ । भेरी नगरपालिकालाई लागुऔषध दुव्यर्सन मुक्त पालिका निर्माणका लागि सचेतनामूलक सडक नाटक प्रदर्शनीमा ल्याएको हो । भेरी नगरपालिकाको आयोजनामा र मधुरिमा कला केन्द्र जाजरकोटका कलाकारहरुको प्रस्तुतिमा सडक नाटक प्रदर्शनीमा ल्याइएको हो ।
भेरी नगरपालिकाका १३ वटाहरु लक्षित गरी विभिन्न माध्यमिक विद्यालय र वडाका केही स्थानलाई केन्द्र विन्दु बनाएर सडक नाटक प्रदर्शनी गर्ने योजना निर्माण गरिएको भेरी नगरपालिका शिक्षा शाखा प्रमुख अमृत बहादुर पुनले जानकारी दिए । सडक नाटक लिएर कलाकारहरु वडाहरुमा गइसकेका छन् । हिजो शनिबार भेरी नगरपालिका ७ स्याउली बजारमा वडा नं ८ का वडा अध्यक्ष बिर बहादुर चन्द,भेरी नगर न्यायिक समितिका सदस्य गौरी कार्की,वडा सदस्य पत्रकार लगायतको उपस्थितिमा नाटक प्रदर्शन गरिएको थियो । कालाकारहरुले विभिन्न मा.वि मा नाटक प्रदर्शन गर्ने छन् ।
नाटक प्रदर्शन हुने स्थान र समय तालिका :
त्यस्तै पालिकाले लागुऔषध दुव्र्यसन नियन्त्रण तथा रोकथामका लागि खेलकुद कार्यक्रम,विभिन्न निकाय र समूहहरुलाई अभिमूखिकरण कार्यक्रम,लागुऔषध प्रयोगकर्ताहरु पहिचान लगायतका अन्य विभिन्न क्रियाकलापहरु गर्दै छ । सुधारगृहमा पठाउने सम्म भएका लागुऔषध प्रयोगकर्ताहरुलाई सुधारगृहमा पठाउने तयारी पनि गरिएको भेरी नगरपालिकाका निमित्त प्रमुख प्रशासकीय अधिकृत दल बहादुर घर्तीले बताए । भेरी नगरमा लागुऔषध दुव्यर्सनलाई रोकथाम तथा नियन्त्रण गर्नका पालिका लागि परेको घर्तीले बताएका छन् ।
पछिल्लो समय पालिकामा लागुऔषध प्रयोगकर्ताहरु बढिरहेका छन् । यसलाई रोक्न सबैले आफ्नो ठाउबाट भूमिका खेल्न पर्ने पालिकाका नगर प्रमुख चन्द्र प्रकाश घर्तीले बताएका छन् । देश रुपान्तरणका प्रमुख खम्बा यूवा भएको कारण दक्ष यूवा निर्माण गर्ने दायित्व पालिकाले नबिर्सेको उनको भनाइ छ । यूवाहरु जानी नजानी कुलत तथा दुव्यर्सन तर्फ लागि रहेका छन् । यसलाई रोक्न तथा नियन्त्रण गर्नका लागि पालिकाले आफ्ना नीति तथा कार्यक्रमहरु अघि सारेको पनि नगर प्रमुख घर्तीले बताए । लागुऔषध दुव्र्यसन नियन्त्रण तथा रोकथामका लागि पालिकाले सञ्चालन गरेका प्रत्यक क्रियाकलापमा सहभागि भइ पालिकाले दिन खाजेको सन्देशलाई आत्मसाथ गर्न नगर प्रमुख घतीर्ले सम्पूर्ण नगरवासीलाई आह्वान समेत गरेका छन् ।
लागुऔषध दुव्र्यसन नियन्त्रण तथा रोकथामका लागि पालिकाले एक करोड बजेट बिनियोजन गरेको छ ।
