जाजरकोट । दैलेखको डुङ्गेश्वर गाउपालिकामा नमुना युवा गाउसभा अभ्यास कायक्रम सञ्चालन भइरहेको छ । २६ (शनिबार) देखि २९ (मङ्गलबार) चार दिनसम्म सञ्चालन हुने यस कार्यक्रममा युवाहरुलाई स्थानीय सरकार सञ्चालनको बारेमा जानकारी दिने गरिएको छ । नमुना युवा गाउसभाको अभ्यास भएका कारण युवाहरुलाई गाउसभाको बारेमा नमुनाको रुपमा अभ्यास गराइएको छ। सोमबार कार्यक्रमको तेस्रो दिनमा गाउसभाका लागि पदाधिकारी चयन गर्ने अभ्यास रहेको थियो । त्यसै क्रममा नमुना युवा गाउसभाको अध्यक्षमा डुङ्गेश्वर गाउपालिका वडा नं १ का प्रकाश थापा मगर चयन भएका छन् । नमुना युवा गाउसभा अभ्यासमा डुङ्गेश्वर गाउपालिकामा रहेका ६ वडाबाट युवाहरुलाई सहभागि गराइएको छ । नमुना युवा गाउसभाको अभ्यास गर्ने क्रममा गाउपालिकामा भएको जस्तै नमुना गाउसभाको संरचना निर्माण गर्नु पर्ने हुन्छ । त्यसै क्रममा थापा गाउपालिकाको अध्यक्षमा चयन भएका हुन् । त्यस्तै गाउपालिकाको उपाध्यक्षमा यमुना थापा मगरलाई चयन गरिएको छ । नमुना युवा गाउसभाको अभ्यासले युवाहरुलाई राजनीति प्रति सकारात्मक सोच राख्न सहयोग गर्ने गाउसभाका अध्यक्ष थापाले बताएका छ्न् । नेपालको परिबेसमा युवाहरुले राजनीतिलाई फोहोरी खेलको रुपमा लिन्छन् । तर नमुना युवा गाउसभा अभ्यासले युवाहरुलाई सरकार सञ्चालनको बारेमा चेत दिने थापा बताउछन् ।
नमुना युवा गाउसभा अभ्यासमा डुङ्गेश्वर गाउपालिकाका ६ वटा ३ जनाको दरले सहभागि गराइएको छ भने ५ जना गाउपालिकाले सिफारिस गरेको छ । डुङ्गेश्वर गाउपालिकामा हुदै गरेको नमुना युवा गाउसभा अभ्यास कार्यक्रम डुङ्गेश्वर युवा सञ्जालले आयोजना गरेको हो । त्यस्तै डुङ्गेश्वर गाउपालिका शिक्षा युवा तथा खेलकुद शाखाको समन्वय र युरोपियन युनियन,युवालाय,अक्सफाम लगायतको अर्थिक तथा प्राविधिक सहयोग रहेको डुङ्गेश्वर युवा सञ्जालका अध्यक्ष महेश बुढाले जानकारी दिएका छन् । स्थानीय सरकार सन्चालमा युवाहरुको भूमिकालाई पनि प्रभावकारी बनाउन सो कार्यक्रमको आयोजना गरेको अध्यक्ष बुढाले बताए । यस कार्यक्रमले स्थानीय शासन प्रक्रियाका युवा संलग्नता प्रबद्र्धनमा टेवा पुग्ने पनि अध्यक्ष बुढाले विश्वास गरेको छन् । यो कार्यक्र भोलि २९ गते सम्म चल्ने छ । उक्त कार्यक्रमको प्रशिक्षक दैलेख भगवतिमाइ गाउपालिकाका गाउ युवा परिषदका उपाध्यक्ष राजेन्द्र अधिकारी रहेका छन् ।
