पाचौं मेयर कप प्रतियोगितामा १६ स्वर्ण सहित शिव शंकर मावी प्रथम
  • विदुर न्युज

जाजरकोट । भेरी नगरपालिकाले सञ्चालन गरेको अन्तर माद्यामिक विद्यालय स्तरीय राष्ट्रपति रनिङ्ग शिल्ड एवं पाँचौं मेयर कपको उपाधी शिवशंकर माद्यामिक विद्यालय जगतिपुरले उचालेको छ ।

भेरी त्रिवेणी माद्यामिक विद्यालय रिम्नामा माघ १७ गते देखि सुरु भएको राष्ट्रपति रनिङ्ग शिल्ड एवं पाँचौं मेयर कपमा भेरी त्रिवेणी माद्यामिक विद्यालय रिम्नालाई पछि पार्दै उपाधी हात पारेको हो ।

जस अन्तर्गत १६ स्वर्ण, ४ रजत, ४ कास्य गरी जम्मा २४ पदक प्राप्त गरी प्रथम स्थान हासिल गरेको हो । त्यस्तै भेरी त्रिवेणी माद्यामिक विद्यालय रिम्नाले ४ स्वर्ण, ७ रजत, ५ कास्य गरी १६ पदक प्राप्त गरी दृतिय स्थान प्राप्त गरेको छ भने, त्रिभुवन माद्यामिक विद्यालय खलंगाले ४ स्वर्ण , ४ रजत , ४ कास्य गरी जम्मा १२ पदक प्राप्त गरी तृतिय स्थान हासिल गरेको भेरी नगरपालिकाले शिक्षा, यूवा तथा खेलकुद शाखा प्रमुख अमृत पुनले जानकारी दिए । नगर स्तरीय रनिङ्ग शिल्ड सफलता पुर्वक सम्मपन्न भएको खेलकुद शाखा प्रमुख पुनले बताएका छन।

 

  • २१ माघ २०८०, आईतवार १९:५० प्रकाशित
  • सम्बन्धित