जाजरकोट ।
भेरी नगरपालिकाको १४ औं नगर सभा आज (शनिबार) देखि सुरु भएको छ । नगर सभा २८ र २९ गते दुइ दिन चल्ने छ । नगर सभाको पहिलो दिनमा पाँच वटा विधेयक प्रस्तुत गरिएको छ । नगर प्रमुख चन्द्र प्रकाश घर्तिको सभाध्यक्षतामा सुरु भएको नगर सभामा पाँच वटा विधेयक प्रस्तुत गरिएका हुन् ।
उपभोक्ता हित संराक्षण तथा बजार अनुगमन विधेयक,२०८०,खानी तथा खनिज पदार्थ विधेयक,२०८० र एफ एम रेडियो संचालन तथा व्यवस्थापन विधेयक,२०८० क्रमस विधायन समितिका संयोजक तथा भेरी नगर ९ का वडा अध्यक्ष हिरा शर्मा,अधिकृत प्रकाश बटाला र अधिकृत अमृत पुनले प्रस्तुत गरेका थिए । त्यस्तै भूमि व्यवस्थापन विधेयक,२०८० र खानेपानी सरसफाइ तथा स्वच्छता विधेयक,२०८० क्रमस विधायन समितिका संयोजक तथा भेरी नगर ९ का वडा अध्यक्ष हिरा शर्मा,अधिकृत प्रकाश बटाला प्रस्तुत गरेका थिए ।
आज प्रस्तुत विधेयकमा २९ गते भोली संशोधन छलफल भइ नगर सभाबाट पारित गरिने छ । त्यस्तै भोली हुने नगर सभामा कानुन संशोधनमा छलफल तथा स्विकृती,बजेट संशोधनका लािग प्रस्ताव पेस र संशोधन बजेटमा छलफल तथा नगर सभाबाट स्विकृती हुने नगर सभाका सभाध्यक्ष घर्तिले बताए । भावि पिढिको लागि सहज होस भनेर विधेयक तथा नीति पारित गर्न लागेको नगर प्रमुख घर्तिको भनाइ छ ।