सल्यान ।
सल्यान प्रहरीले एक ट्रक रासायनिक मलसहित एक जनालाई पक्राउ गरेको छ। जिल्लाको बागचौर नगरपालिका(११ पानीखोलाबाट बिहीबार दिउँसो रासायनिक मलसहित एक जनालाई प्रक्राउ गरेको हो।
बागचौर नगरपालिका(११ पानीखोलाका शेरबहादुर खड्का र दिनेश ओलीले रा १ क १३६३ नम्बरको मिनी ट्रकमा कृषि सामग्री कम्पनी लिमिटेड तुलसीपुर दाङ शाखाबाट ल्याई अवैधानिक रुपमा बिक्री गर्न लागेको भन्ने गोप्य सूचनाको आधारमा पक्राउ गरिएको जिल्ला प्रहरी कार्यालय सल्यानले जनाएको छ।
शेरबहादुर खड्काको घरमा गोदाम गरी राखेको डिएपी पोटास ३० बोरा, युरिया ७९ बोरा र पोटास ५० बोरा बरामद गरिएको जिल्ला प्रहरी कार्यालय सल्यानका सूचना अधिकारी गोपालप्रसाद श्रेष्ठले जानकारी दिए।
उनले रासायनिक मल ल्याउनेमध्येका एक जना दिनेश ओलीलाई समेत नियन्त्रणमा लिएको बताए।
