जुम्ला।
जुम्लामा अटो रिक्सा दुर्घटना हुँदा दुई जनाको मृत्यु भएको छ । बिहीबार दिउँसो तिला गाउँपालिका ३ त्रिवेणीमा क १ स ११ नम्बरको अटो दुर्घटना हुँदा तातोपानी गाउँपालिका वडा नम्बर १ बाईराँका निवासी अन्दाजी २९ वर्षका पुरन सार्कीको घटनास्थलमै मृत्यु भएको थियो ।, त्यस्तै तिला ३ थापागाउँ निवासी अन्दाजी वर्ष २० का आकाश थापाको उपचारका क्रममा कर्णाली स्वास्थ्य विज्ञान प्रतिष्ठान जुम्लामा मृत्यु भएको जुम्लाका प्रहरी नायब उपरिक्षक नरेन्द्र चन्दले बताए ।
डिएसपी चन्दका अनुसार,अटोमा रिक्सामा दुईजना मात्रै सवार रहेको थिए । तिलाको त्रिवेणीबाट बजारतर्फ फर्किने क्रममा चालकले नभइ अर्को व्यक्तिले चलाउँदा दुर्घटना भएको प्रहरीको दाबी छ । अटो चलाउने वास्तविक चालक फरार भएकाले खोजीकार्य भइरहेको प्रहरीले जनाएको छ ।
