सुर्खेत ।
श्री एअरलाईन्सले काठमाडौं सुर्खेतको उडान आजदेखी सुरु गर्ने भएको छ । उक्त एअरलाईन्सले गत बिहीबार सुर्खेत उडानको अनुमति पाएको थियोे ।
सो एअरलाईन्सले दिनमा दुई उडान भर्ने जनाएको छ । यो भन्दा पहिलेदेखी उडान भर्दे आएको बुद्ध एअरको भाडा महगोँ भएपछी कर्णालीबासी प्लेन चढ्न नेपालगञ्ज जाने गरेका थिए ।
आजबाट दुई एअरलाईन्सको प्रतिस्पर्धा हुने भएपछी दुबै एअरलाईन्सले भाडा घटाएको छन् । आजबाट सुर्खेत काडमाण्डौँको भाडा श्री एअरलाईन्सको ६ हजार सात सय छ भने वुद्ध एअर ६ हजार छ सय कायम भएको छ ।
बुद्ध एअरले एक घण्टा १० मिनेट समयमा काठमाडौं सुर्खेत ७२ सिटे जहाजबाट उडान गर्दै आएपनि श्री एअरले भने बढीमा ४० मिनेटमा ८० सिटे जहाजबाट काठमाडौं सुर्खेत उडान भर्दे छ । दुई एअरलाईन्सको प्रतिस्पर्धा भएसगै भाडा अझै घट्ने अपेक्षा कर्णाली बासीको छ ।
source:galaxy4k
