जाजरकोट ।
जिल्ला प्रहरी कार्यालय जाजरकोटले दिने सेवामा सुधार ल्याएको छ । जिप्रकाले कार्यालयमा सेवा लिन आउने सेवाग्राहीहरुलाई दिने सेवामा सुधार ल्याएको हो ।
पहिले जिल्ला प्रहरी कार्यालयमा आउने सामान्य मिलापत्रका मुद्धा खुल्ला प्रतिक्षालयमा छलफल गर्नु पर्ने अवस्था थियो । जसले गर्दा कार्यालयमा सेवा लिन आउने अन्य सेवाग्राहीहरुलाई त असर पाथ्र्याे नै,कार्यालय वरिपरि रहेका घरमा बस्ने मानिसहरुललाई पनि छलफलका क्रममा हुने हल्लाले दिक्क पारेको हुन्थो । खुल्ला प्रतिक्षालयमा छलफल गर्दा कुनै मानिसको गोपनियतालाई पनि प्रभाव पारेको हुथ्यो ।
अहिले जिप्रकाले त्यस्ता सेवा लिन आउने सेवाग्राहीलाई विशेष कक्ष निर्माण गरेर सेवा प्रवाह गरिरहेको छ । जिप्रकाले कार्यालयमा आउने सामान्य मुद्धाको छलफलका लागि विशेष कक्ष निर्माण गरेको छ । कक्षभित्र दलित तथा महिलाका संवेदनसिल मुद्धा हेर्नका लागि दलित तथा महिला सेल निर्माण गरिएको छ । समाजबाट कमजोर बनाइएका सर्वसाधारणले सजिलै न्यायको अनुभूति गर्न सकुन भनेर यस्तो गरिएको जिल्ला प्रहरी कार्यालय जाजरकोटका प्रहरी नायव उपरिक्षक(डिएसपी) सन्तोष रोकाले बताए । कार्यालय भित्र जुनसुकै व्यक्तिलाई भेट्न पनि छ्ट्टै अनुमति लिन नपर्ने जो सुकैले पनि सिधै डिएसपीलाई भेट्न सकिन्छ ।
त्यस्तै कार्यालयमा सेवा लिन आएका अपाङ्घ व्यक्तिलाई ह्वील चेरको व्यवस्था गरिएको छ । ड्युटिमा रहेका पोसाक लगाएका प्रहरीद्धारा त्यस्ता फरक क्षमता भएका व्यक्तिलाई सेवा दिने व्यवस्था मिलाइएको छ । प्रहरी कार्यालय परिसरभित्र अहिले धेरै परिवर्तन देख्न सकिन्छ । प्रहरीले गर्ने व्यवहार,कार्यालयको वातावरण र सजावटमा धेरै परिवर्तन आएको छ ।
भएका स्रोतसाधेनलाई सहिसदुपयोग गर्न सके रुपान्तरणको आभास दिलाउन सकिने डिएसपी रोका बताउन् । उनि भन्छन्,“मैले धेरै केही गरेको छैन,मात्र भएको स्रोतलाई परिचालन गरेको हु ।” डिएसपी रोका आए यता कार्यालयमा धेरै परिवर्तन आएको छ । त्यस्तै जिल्लामा हुने शान्ति सुरक्षाको दृष्टिकोणले पनि निकै परिवर्तन आएको छ । नेतृत्व सहि भए रुपान्तरण सजिलै गर्न सकिन्छ भन्ने उदाहरण बनेका छन् डिएसपी रोका ।
