दैलेख ।
दैलेखमा वातावरण मैत्री निति निर्माण गर्न नगरमा कार्यशाला गोष्ठी सम्पन्न भएको छ । सेभ द चिल्ड्रेन को आर्थिक सहयोग , एभरेस्ट क्लब दैलेखको समन्वय र पञ्चकोशि ज्वाला युवा प्रतिष्ठान दैलेखको आयोजनामा सिफ्ट क्याम्पियनको नगर स्तरिय परिचयात्मक कार्यक्रम तथा वातावरण मैत्री नीति निर्माण तथा अन्तरक्रिया कार्यगोष्ठि सम्पन्न भएको हो ।
बुधबार सम्पन्न कार्यक्रममा वातावरणमैत्री नगर बनाउन गरिने अभ्यास र चुनौतिहरु बिच छलफल भएको थियो । विद्यालय क्षेत्रलाई वातावरणमैत्री बनाउन सके यसको सिकाइ पालिकामा लागु गर्न सकिने वातावरण समिति संयोजक नारायण नगरपालिका –६ का वडा अध्यक्ष जनक न्यौपाने बताए तर हरियाली विद्यालय बनाउन प्रयाप्त मात्रामा जमिन, पानी तथा फोहोर व्यवस्थापन गर्ने ठाउँ नहुदा निकै कठिनाई हुने कुरा अध्यक्ष न्यौपानेले बताए ।
त्यस्तै कार्यक्रममा धारणा राख्दै पत्रकार विशाल सुनारले भने “पालिकाले फोहोर व्यवस्थापन तथा पालिकामा रहेका क्लवहरुलाई परिचालन गर्ने नीति ल्याए पालिका वातावरणमैत्री हुन सक्ने छ ।”
पत्रकार सुनारको विचारमा कुरा राख्दै पालिकाले नीति अनुसार चल्न , नगरका सबै घरधुरी लाई कुहिने र नकुहिने फोहोर छुट्याएर राख्न, विभिन्न फोहोरहरुलाई कम्पोस्ट मल बनाउन पहल गरेको र जिल्लाका अन्य पालिकाहरुसंग पनि नगरले फोहोरलाई संकलन मोहोर बनाउन समन्वय गरिरहेको नारायण नगरपालिकाका नगरप्रमुख लोमन शर्माले बताए । आगामी दिनहरुमा पालिका यस तर्फ अझ सक्रिय भएर लाग्ने नगर प्रमुख शर्माले थपे ।
सिफ्ट क्याम्पियनले नारायण नगरपालिकाको चार वटा हरित विद्यालय बनाउने, बाँसको विभिन्न सामाग्रिहरु बनाउने र प्लास्टिकजन्य प्रदुषण न्युनिकरण गर्न डोको अभियान नामाकरण गरि कार्यक्रम गरिरहेको पञ्चकोशि ज्वाला युवा प्रतिष्ठानका अध्यक्ष लोकेश गिरीले जानकारी दिए । यस्ता कार्यक्रमलाई निरन्तरता दिन सरोकारवालाई परिचालन गर्न नीति निर्माण गर्न नगर सरकारलाई गिरीले आह्वान गरेका छन् ।
