जाजरकोट ।
नेपाली काङ्ग्रेस जाजरकोटले विश्वेश्वर प्रसाद (वि.पि) कोइरालाको ४१ औं स्मृतिमा वृक्षारोपण गरेको छ। जिल्लाको भेरी नगरपालिका ४ मा रहेको वि.पि वाटिकामा वृक्षरोपण कार्यक्रम गरेर वि.पि को ४१ स्मृति मनाएको हो।
वि पि नेपालका प्रथम जन निर्वाचित प्रधानमन्त्री हुन। उनले बोकेको सिद्धान्तलाई नेपाली काङ्ग्रेसले अनुसरण गर्दै आएको छ। कोइरालाको ४१ औं स्मृतिमा शनिबार जिल्लामा वृक्षरोपण गरिएको हो । नेपाली काङ्ग्रेस जाजरकोटको आयोजनामा यो कार्यक्रम गरिएको हो।
कोइरालाको स्मृतिमा करिब २ सय बोट रुख तथा बिरुवा रोपिएको नेपाली काङ्ग्रेसका जिल्ला कार्यवाहक सभापति खडक बिसिले जानकारी दिए।वृक्षरोपण कार्यक्रममा करिब ८० जना मानिसको सहभागी थिए। नेपाली काङ्ग्रेससङ्ग सम्बद्ध जिल्लाका नेताहरु,पत्रकार लगायतको उपस्थिति रहेको सभापति बिसिले बताए।
विपिको मार्गदर्शनलाई अनुसरण गर्दै नेपाली काङ्ग्रेस अगाडि बढ्ने सभापति बिसिको भनाइ छ। विपिलाई जननेता र आम सर्वसाधारणको नेताको रुपमा सझिएको नेका नेता बिसिले बताए।
