जाजरकोट ।
जिल्ला प्रहरी कार्यालय जाजरकोटले घरघरमा स्टिकर टाँस अभियान सञ्चालन गरेको छ । कर्णाली प्रदेश प्रहरी कार्यालय सुर्खेतको संयोजकत्वमा सुरक्षित कर्णाली विशेष अभियान २०८० अन्तर्गत कर्णाली प्रदेशका सबै घरधुरीहरुमा स्टिकर टास्न लागेको हो । कर्णालीलाई सुरक्षित राख्नको लगि यस अभियान सञ्चालन गर्न लागिएको हो ।
यसैलाई निरन्तरता दिदै जिल्ला प्रहरी कार्यालय जाजरकोटले अभियान सञ्चालन गरेको छ । आइतबार एक कार्यक्रम गरेर अभियानको सुरुवात गरेको जिल्ला प्रहरी कार्यालय जाजरकोटले जानकारी दिएको छ । अभियानलाई सार्थक बनाउनको लागि जनप्रधिनिभिहरु,सरोकारवाला व्यक्ति,सर्वसाधारण गैर सरकारी संस्था लगायतको उपस्थितिमा अभियान सञ्चालन गरिएको हो ।
स्टिकरमा जिल्ला प्रहरी कार्यालय जाजरकोट सम्पर्क नम्बर,प्रदेश प्रहरी कार्यालयको सम्पर्क नम्बरं र प्रहरी कार्यालयको आपतकालिन नम्बर राखिएको जिल्ला प्रहरी कार्यालय जाजरकोटका प्रहरी नायब उपरिक्षक सन्तोष रोकाले बताए । यस अभियानलाई सफल बनाउन सबैले सहयोग गरिदिन हुन डिएसपि रोकाले आह्वान गरेका छन् । जिल्लाका सबै पालिकामा यो अभियान सञ्चालन भइरहेको छ ।
