जाजरकोट ।
कर्णाली प्रदेश मामिला समितिका सभापति कल्याणी खड्का घाईते भएका छन छ । रुकुम पश्चिममा उनी चढेको जिप दुर्घटना हुदा खड्का घाइते भएकी हुन।
शनिबार रुकुम पश्चिमको चौरजहारी नगरपालिका -३ जाँदै गर्दा कर्णाली प्रदेश ०२ – ००१ झ ००४४ नम्वरको जिप दुर्घटना भएको थियो। जिपमा सवार माननिय खड्काको बाँया खुट्टामा चोट लागेको प्रहरिले जानकारी दिएको छ ।
उक्त दुर्घटनामा खड्कासङगै नौ जना घाइते भएका हुन । घाइते हुनेमा चौरजहारी नगरपालिका -९ मा रहेकाे आधारभूत विद्यालय भुवा टाकुराका प्रधानाध्यापक सुगन्धा मल्ल, माननिय खड्काका स्वकिय सचिव हुकुम बिसी, चालक युवराज गिरी सहित गाडिमा सवार नौ जना घाईते हुनुभएको बताईएको छ । प्रधानाध्यापक मल्लको हात भाँचिएको छ भने अरु सबैको अवस्था सामान्य रहेको छ ।
आईतबार रुकुम पश्चिमको त्रिवेणी गाउँपालिकामा हुने गाउँ सभामा सहभागि हुन जाने क्रममा गाडि दुर्घटना भएको हो । गाडिको स्टेरिङ अकस्मात घुमेपछि गाडि अनियन्त्रित भएर पल्टिएको गाडि चालक गिरीको प्रतिक्रिया रहेको छ ।
घाईतेहरुलाई उपचारको लागि तत्काल चौरजहारी अस्पताल लिएको प्रहरिले जनाएको छ।
