आई लभ यु, प्रेमपत्र, डुब्न देऊ, इन्जिन गाडीमा, प्रेमिका, मैले जानिसकें लगायतका चर्चित गीतका गायक अनिल सिंहले देउडा गीत ‘रेलिमोई’ ल्याएका छन् ।
नेपाली पपसंगीतका यी हस्तीले यसपटक देउडा शैलीमा गीत प्रस्तुत गरेका हुन् । अनिलकै संगीत र स्वर रहेको गीतको भिडियोमा उनी स्वयं फिचर्ड पनि छन् । सार्वजनिक गीतमा रिदमराज जोशीको शब्द छ । सप्तरंग नामक सांगीतिक टुरमा रहँदा देउडा गीत गाउन प्रस्ताव आएको र त्यसपछि गीत निर्माण अघि बढेको उनले सुनाए ।
